Цэнтар Міжнародных Дасьледаваньняў Унівэрсытэту Пітсбургу (ЗША)
прапануе прыняць удзел у стажыроўцы па спэцыялізацыях: дзяржаўнае
кіраваньне, устойлівае разьвіцьцё, ахова здароўя, вырашэньне канфліктаў.
Стыпэндыяты
будуць вывучаць абраныя курсы ва Ўнівэрсытэце Пітсбургу й ўдзельнічаць
у практычнай прафэсійнай дзейнасьці. Мэта стажыроўкі — даць удзельнікам
неабходныя веды й практычныя здольнасьці ў адпаведных галінах, якія яны
змогуць прымяніць у сваёй краіне.
Па сканчэньні стажыроўкі
ўдзельнікі атрымаюць не навуковую ступэнь, а сэртыфікат ад
унівэрсытэцкага Цэнтру па вывучэньні міжнародных праблемаў.
Працягласьць стажыроўкі — 1 год (з 1 жніўня 2010 г. да 31 ліпеня 2011 г.).
Да
ўдзелу запрашаюцца асобы з краінаў, што разьвіваюцца (у тым ліку
Беларусь), якія зьяўляюцца лідэрамі ў недзяржаўным ці прыватным
сэктарах. Прэтындэнты мусяць мець вышэйшую адукацыю (на момант пачатку
стажыроўкі), добра валодаць ангельскай мовай ды мець досьвед працы у
абранай для стажаваньня галіне.
Удзельнікам будуць аплочаныя ўсе выдаткі, акрамя транспартных.
Апошні тэрмін падачы заявак: 2 сакавіка 2010 году.
Дадатковая інфармацыя:
http://www.ucis.pitt.edu/global/heinz.html#about
Кантакты: heinz@ucis.pitt.edu
Паводле рассылкi belngo.info
08.02.2010